Kryeministri Edi Rama u shpreh nga Fieri i bindur se në rrugën e Rilindjes do i bashkohen edhe shumë demokratë.
Referuar protestës së qytetarëve në Fier, Rama tha se janë 100 petritat e Saliut që përfaqësojnë atë dhe çetën e tij të plakur, që kanë mbetur rrugëve.
“Siç la rrugët, rrugëve, e nxorri Partinë Demokratike rrugëve. U them të gjithëve të mos shqetësohen. Ne nuk do të dorëzohemi, pasi nuk kemi kujt t’i dorëzohemi. Kujt ti dorëzohemi atyre 100 petritave te kthesa? Ata do të mbeten te kthesa pa e marrë kthesën dot, pasi i ka marrë peng koka që nuk di ku i çon”, tha Rama.
Kryeministri iu referua protestës së opozitës në 2017, ndërsa tha se e nisnin ditën me himnin kombëtar dhe e mbyllnin me birra.
“Thonin se nuk do dilnin nga çadra, por jo vetëm dolën nga çadra por erdhën me ne në Qeveri dhe morën ministrinë e Brendshme, atë të Financave se thonin se ka shumë para, se e mendojnë si një thes që hapet dhe dalin paratë. Morën ministrinë e Arsimit, morën atë të Shëndetësisë, morën ALUIZNI-n, morën edhe OSHEE, edhe Hipotekat, dhe ia dhamë të gjitha çfarë donin.
I dhamë shumicën e KQZ-së, si asnjëherë më parë. i dhamë gjithçka, me të vetmen arsye, që kush merr shumicën qeveris dhe kush humbet bën opozitën. Luli fjeti gjumë gjithë verën, as pipëtiu njeri, dhe ishin zgjedhjet e para që nuk patën asnjë ankesë. Janë zgjedhjet e para në gjithë historinë e Shqipërisë, ku në mbi 5500 komisione, asnjë nuk pati kontestime. Tani çfarë ka ndodhur, që e nisin nga e para? Kë duan të bëjnë për budalla këto?”, tha Rama.
Sipas tij, në protesta marrin pjesë administratat e bashkive dhe ata që kishin lojrat e fatit, që mendojnë se mund të gjejnë fatin rrugës.
“Çdo bëjnë në Fier këto, do vijë Luani këtu dhe do të thotë më jepni votën, po çfarë do të bëjë Luani apo do e kthejë Fierin atje ku ishte. Çdo bëjnë ata, do bllkojnë kanalet ujitëse? Këto thonë me jepni votën që të hapim lojrat e fatit, që të hapin ato Universitetet private që ne i mbyllëm, thonë na jepni votën që biznesi i vogël të mos paguajë 5 % por të paguajë 9 %.
Këto duan që të krijojnë alibinë që zgjedhje këtu nuk ka, që një popull i tërë ka dalë në ankand. Por kanë edhe hallin e SPAK, ndaj dhe thonë hajde dalim në rrugë”, tha Rama.
Në vijim ai shtoi se jo vetëm në Fier, jo socialist, por edhe demokratë, nuk mund të gjesh që të thonë se Monika nuk blen vota.
“Po kur thonë se këta që hyjnë tani në Kuvend janë të Ramës? Po pse unë i vura në listat e Monikës dhe Lulit këto që po hyjnë?”, tha Rama. Sipas tij, opozita do të hyjë në zgjedhje, ndërsa shtoi se mazhoranca është e gatshme të gialogojë për gjithccka, përfshi edhe reformën Zgjedhore.
“Dje doktoreshën e takonte fshehurazi, ndërsa sot e takon hapur”, ironizoi Rama, koalicionin mes PD dhe LSI-së.
