Duhej të ishte një vizitë e zakonshme tek dentisti, por në të vërtetë rezultoi krejt e kundërta për 4-vjeçaren Hunter Jones. Prindërit e saj nuk e kishin marrë kurrë me mend që një praktikë e zakonshme si pastrimi i dhëmbëve, do të zbulonte se vajza e tyre ishte prekur nga neuroblastoma, një tumor nervor malinj që shkaktohet nga qeliza nervore të padiferencuara, të quajtura neuroblaste.
Ky tumor lokalizohet më shpesh në zinxhirin paravertebral të ganglioneve simpatike ose në gjëndrat mbiveshkore. Gjithçka nisi në nëntor të vitit 2017 në një vizitë në ‘’Stellar Kids Dentorustry’’ në Washington, ku mjekja Harlyn Sussarla vuri re se vogëlushja 4-vjeçare po humbte dhëmbët në mënyrë krejt të pazakontë. Pasi u kërkoi prindërve të bënin një radiografi, arriti në diagnozën që asnjë prind nuk do të donte të dëgjonte: vajza e tyre ishte e prekur nga një kancer në nofull.
Hunter u shtrua menjëherë në spitalin pediatrik të Seattle, ku mjekët konfirmuan dyshimet e dentistes. “Ishim të shokuar, nuk mund dhe nuk doja ta besoja atë që thonin mjekët. Vajza ime ka qenë gjithmonë e shëndetshme, s’kishte shfaqur kurrë probleme. Mjekët na thanë se tumori ishte në stadin e katërt dhe se mundesitë e shpëtimit ishin 50 me 50. Tashmë tumori kishte prekur edhe një pjesë të veshit.”- shprehet mamaja e saj Kara.
Pas shtrimit në spital, vogëlushja nisi edhe betejën e saj të bërë të trajtimit. Nga nëntori i 2017-ës e deri në shkurt të këtij viti ajo ka bërë dy ndërhyrje kirurgjikale, 12 cikle rrezatimi, 6 cikle kimioterapie dhe 2 transplant qelizash staminale. Tani ajo po bën imunoterapi pasi tumori mund të rishfaqet dhe të prekë veshkat ose mëlçinë.
Prindërit e Hunter këshillojnë të gjithë prindërit të mos e shmangin vizitën tek dentisti dhe të mos neglizhojnë asnjë shqetësim të fëmijëve të tyre./BURIMI “POUR FEMME”
