Edhe pse një ndër femrat më të bukura të ekranit, ish-missi Hygerta Sako duket se nuk e pëlqen më aspak faktin e të qenurit një ndër vajzat që ka mbajtur kurorën e bukurisë.
Ajo ka deklaruar se ‘nuk ka më asnjë arsye që ajo të quhet miss për sa kohë që edhe pas 25 vitesh, ajo ka bërë edhe gjëra të tjera të dobishme’.
“Është e çuditshme, si s’po shpëtoj. Po shkoj 24 vjet dhe dhe s’po shpëtoj nga kjo. Miss s’mund të quhem më, por gjithsesi ka mbetur akoma në mendjen e njerëzve. S’kam ç’bëj, më bezdis pak sepse do të doja të më thonin diçka tjetër. Gazetare, moderatore, vajzë e zgjuar psh, se kur thonë ‘Miss’, sikur më shajnë, më fyejnë inteligjencën.”- ka rrëfyer Hygerta.
Por, me sa duket memoria kolektive do ta kujtojë Hygertën gjithnjë si një Missi Shqiptar.
