KQZ pritet t’i japë mandatin e deputetit 6 kandidatëve të përfshirë në listat e partive opozitare, pas vakancës së krijuar në Kuvend nga dorëzimi i mandateve të opozitës.
Emrat e rinj që pritet të hyjnë në Kuvend janë Lefter Maliqi, Majlinda Halilaj, Ediola Braha, Edlira Hyseni, Elda Hoti dhe Ligoraq Karamelo, përkatësisht 3 nga PD dhe po kaq nga LSI.
KQZ ka parashikuar që në mbledhjen e së hënës të zëvendësojë vendet e ish-deputetëve Astrit Veliaj, Viktor Tushaj, Nora Malaj, Vangjel Tavo, Gent Strazimiri dhe Klevis Balliu.
Deri më tani në Kuvend kanë pranuar mandatet 4 deputetë, ndërkohë që pas të hënës numri pritet të shkojë 10.
