Kryetari i Partisë Demokratike, Lulzim Basha, ishte sot në Paskuqan, që e përfshin Bashkia e Kamzës, duke filluar turin e takimeve derë më derë me banorë të zonës.
Duke folur me banorët ai vlerësoi punët e bëra atje nga kryebashkiaku Xhelal Mziu, që sipas tij ka mbajtur premtimet me investimet që ka realizuar.
Basha u shpreh se Xhelal Mziu do të bëjë edhe më shumë për komunitetin atje, kur të bashkëpunojë me një qeveri tjetër, që mendon dhe punon për njerëzit.
Në këtë mënyrë duket se Basha ka rikonfirmuar Mziun për një tjetër mandate në bashkinë e Kamzës, edhe pse aksioni opozitar është përqëndruar te zgjedhjet e parakohshme parlamentare.
