Një postim në Instagram i kreut të qeverisë është bërë shkak për reagimin ironik të Taulant Mukës, ish-zëvendësministrit të Arsimit.
Rama ka postuar një fotomontazh ku shfaqet në rolin e Cristiano Ronaldos. Për Mukën, ky postim është jonormal. “Meqense KM jone eshte i varfer dhe me “borxhe”, jam i gatshem ta ndihmoj dhe te paguaj nje psikiater/psikolog qe te ndjeke nga afer shendetin e tij mendor. Deshiron njeri te bashkohet”, shkruan në një postim në Facebook.
“Nuk eshte normale qe nje KM te beje postime te tilla ne faqen e tij zyrtare! Problemet e shendetit mendor jane gjithnje e ne rritje ne vendin tone, dhe mesa duket nuk kane lene pa prekur dhe KM! Rasti i KM eshte nje mundesi e mire per te filluar ndergjegjesimin e popullates dhe institucioneve shendetesore per prioritetin qe duhet te kete kujdesi per personat qe vuajne nga shendeti mendor”, shton ish-ministri i Arsimit.
Nuk është hera e parë që shefi i qeverisë bën postime në rrjetet sociale, që cilësohen të pazakonta për një burrë shteti. I pyetur gjatë një emisioni televiziv për këtë temë, Rama është shprehur se në rrjetet sociale, “postoj çfarë të dua”. /Boldnews.al/
DENONCO