Kiri Hajdari, djali i heroit të demokracisë Azem Hajdari, i është drejtuar disa mijëra mbështetësve të opozitës në protestën para Kuvendit me thirrjet “Rama ik”.
Hajdari tha se Rama duhet të ikë një orë e më parë dhe t’I hapë rrugën zgjedhjeve të lira dhe të ndershme.
“Amaneti i Azem Hajdarit do shkojë deri në fund, Liri-Demokraci”, tha Hajdari.
Prania e Kiri Hajdarit në protestë dhe fjalimi i mbajtur, vjen në një kohë kur motra e tij, Rudina Hajdari nuk ka dorëzuar ende mandatin e deputetit.
Ajo nuk është shprehur nëse do e dorëzojë ose jo, port ë gjithë ligjvënësit e tjerë të opozitës me përjashtim të Myslim Murrizit dhe Lefter Kokës, i kanë dorëzuar mandatet.
