Këngëtari dhe deputeti i Kuvendit të Kosovës Labinot Tahiri, ka treguar një histori për të cilën nuk ka folur më parë asnjëherë publikisht.
Ai, në emisionin ‘Oxygen’, ka folur për rastet kur ka lënduar nënën e tij, për të cilat edhe i kërkon falje publikisht.
Për rastin e parë, Labi nxjerrë një shkrepëse të hekurt, për të cilën thotë se e ka ruajtur për vite me radhë, por me të cilën kur ishte 5 ose 6 vjeç, është nervozuar me nënën e tij dhe e ka goditur po me këtë shkrepëse.
Në këtë rast, siç tregoi, ai edhe ia ka mavijosur nënës syrin.
Ndërsa për rastin e dytë, për të cilin Labi thotë se ajo është lënduar edhe më shumë, ka qenë kur ai në moshën 16-vjeçare, ka vendosur të largohet nga Atdheu.
Për të dyja këto raste, Labi shfaqet shumë i penduar dhe i ka kërkuar falje para gjithë shikuesve të emisionit.
