Kreu i opozitës Lulzim Basha ka deklaruar mbrëmjen e sotme se me urdhër të zyrtarëve të lartë të Rilindjes po lirohen kriminelë nga burgu.
Sipas tij rilindësve po ju bëhet presion nga kriminelët, të cilët disponojnë videot e bashkëpunimit mes tyre, të cilat tregojnë se si janë grabitur zgjedhjet.
‘Janë liruar kriminelë nga burgu, pasi ata disponojnë video me bisedat për vjedhjen e votave. Ata ju kanë bërë presion rilindësve me video të cilat shumë shpejt do të bëhen publike. Mjafton të zbardhet 339 dhe ke të gjithë qeverinë shqiptare, të gjithë janë të kapur duke bashkëpunuar me krimin e organizuar për të vjedhur votat. Janë dy dosje, ajo 184 e Dibrës e denoncuar nga opozita’, u shpreh Basha.
