Kreu i Partisë Demokratike, Lulzim Basha i ftuar në ‘360 gradë’ ka komentuar situatën politike në vend, ka deklaruar se me djegien e mandateve opozita nuk e njeh më regjimin e Edi ramës.
I pyetur nga drejtuesi i emisionit nëse do të ketë një marrëveshje të dytë me Edi ramën, Basha tha se kjo nuk ka për të ndodhur më.
‘Ne përfundimisht e kemi braktisur regjimin e Ramës. Në vitin 2017-të zgjodhëm të shmannim përplasjen civile mes shqiptarëve, sot tregohet qartë se ne kishim të drejtë që marrëveshja nuk do funksiononte. Rama e shfrytëzoi marrëveshjen për të vjedhur votat me bandat e krimit. Ne do të rikthejmë demokracinë me zgjedhje të lira dhe të ndershme dhe hapi që kemi hedhur përjashton çdo mundësi për një përsëritje të 2017-s’, deklaroi Basha.
