Kërcënimet e Presidentit grek/ Idrizi: Pse hesht Rama…

Shpëtim Idrizi, kryetar i PDIU-së, akuzoi sot Qeverinë Rama, lidhur me heshtjen e saj ndaj asaj që ai e quajti “kërcënimet e përsëritura të Presidentit grek ndaj shqiptarëve”.

I pranishëm në aktivitetin e mbajtur për Masakrën e Filatit, Idrizi tha se Presidenti i Greqisë kërcënoi Shqipërinë, nuk e ka bërë për herë të parë e ka bërë në mënyrë të përsëritur.

“Nga një anë, flasin për të drejtat e minoriteve, por janë i vetmi vend në botë që nuk njohin të drejtat e minoriteteve dhe të nëshkruajnë konventat përkatëse”, tha Idrizi.

“Realisht për shkak të moshës dhe pozicionit duhet të ishte njeriu më i urtë i politikës greke. I kujtoj presidentit grek, vendi që ai bënte kërcënimet ishin tokë shqiptare nga Konica. Ky është shekulli i shqiptarëve që e kanë marrë fatin e tyre në dorë. Presidenti i Greqise tenton të kërcënojë shqipërinë, nuk e ka bërë për herë të parë e ka bërë në menyrë të përsëritur.

LEXO EDHE  Sherr në mes të Tiranës/ Inspektorët tatimorë përplasen me pronarin e lokalit

Nga një anë, flasin për të drejtat e minoriteve, por janë i vetmi vend në botë që nuk njohin të drejtat e minoriteteve dhe të nëshkruajnë konventat përkatëse. Akoma më shumë shqiptarët e Çamërisë kanë më shumë arsye për të qenë krenare.

Në fakt, kur thashë që këtë gjë e ka bërë në mënyrë të përsëritur, ne nuk dëgjojmë një reagim nga qeveria e shqiptarëve, siç i mësova Ramës historinë e Çamërisë”, u shpreh Idrizi.