Lulzm Basha, Kryetar i PD-së, nuk do të jetë pjesëmarrës në punimet e Samitit të Diasporës. Sipas programit të bërë publik, Basha do të përshëndeste Samitin e Diapsorës, ndërsa pas tij fjalën do e merrte Kryeministri Edi Rama.
Burimet bëjnë të ditur se kreu demokrat nuk do të jetë i pranishëm, ndoshta duke respektuar në këtë mënyrë vendimin për të kushtëzuar çdo raport me mazhorancën, përfshi këtu edhe Samitin në fjalë.
Opozita dorëzoi mandatet e deputetëve dhe vendi është në prag të një krize të fortë politike, edhe pse mazhoranca po përpiqet që të kalojë këtë moment me tezën se do të krijojë një opozitë të re.
