Një 27-vjeçar është vrarë në një atentat. Ngjarja ka ndodhur në rrugën “Haxhi Zeka” në Prishtinë.
“Një makinë e zezë e ka pritur të riun me Omegën e gjelbërt. I ka dalë në pritë dhe e ka vrarë nga makina”, ka thënë një dëshmitar.
Lajmin për vrasjen e 27-vjeçarit për Gazetën Express e ka konfirmuar kryeprokurori i Prokurorisë Themelore të Prishtinës, Imer Beka.
Policia e Kosovës tha se “ai nuk u ka mbijetuar plagëve të shkaktuara nga arma e zjarrit dhe në vendngjarje ka ndërruar jetë. Vdekjen e viktimës: A. J., mashkull, shtetas i Republikës së Kosovës, e ka konstatuar ekipi mjekësor në vendngjarje”.
Shtatë ditë më parë në Ferizaj u vra edhe një 25-vjeçar nga Ferizaj, Meriton Aliu. Dyshohet se Aliu u vra për shkak të një hakmarrjeje mes familjes së tij dhe të dorasit.
