Mund të quhet mrekulli ajo që kanë bërë mjekët në Shkodër, ndërsa kanë kthyer në jetë 50-vjeçarin që konsiderohej i mbytur në lumen Drin.
Në rrethana misterioze një 50 vjeçar ishte futur në ujrat e ftohta të lumit Drin,duke lënë mbi urën e Bahçallekut biçikletën sëbashku me rrobat, raporton Ora Neës.
Sapo trupi ka rënë në kontakt me ujin e ftohtë, shtetasi në fjalë ka pësuar komplikacione në zemër dhe policia nisi kërkimet për trupin e tij.
Pas disa minutash e ka marrë autoambulanca për ta dërguar në spital, ndërsa në sallën operative të policisë ishte raportuar si i mbytur dhe pa shenja jete.
Falë ndërhyrjes së bluzave të bardha, mrekullia ka ndodhur për 50 vjeçarin i cili është rikthyer në jetë dhe ndodhet aktualisht nën kujdesin e mjekëve të spitalit rajonal të Shkodrës.
