KQZ ka njoftuar 57 kandidatë, në listat shumëemërore të PD dhe LSI, lidhur me vakancën e krijuar në Kuvendin e Shqipërisë, pas dorëzimit të mandateve nga deputetët e opozitës.
KQZ i ka kërkuar 17 kandidatëve të LSI-së dhe 40 të PD-së të sjellin në komision brenda 10 ditësh formularët e dekriminalizimit.
Në rast se ky detyrim nuk kryhet, atëherë kandidati humbet të drejtën për të marrë mandatin, dhe ai i komunikohet pasuesit në listën e atij qarku, raporton Report Tv.
Këto shkresa ju janë vendosur për dijeni edhe subjekteve politike PD dhe LSI.
Kandidatët për deputetë të dy partive kryesore të opozitës kanë nënshkruar deklarimet për të mos pranuar mandatin e deputetit, ndonëse mund të ketë përjashtime.
Opozita vendosi dorëzimin e mandateve, ndërsa po udhëheq protestat popullore kundër qeverisë Rama.
