Ka përfunduar takimi mes krerëve të opozitës dhe përfaqësuesve të Bashkimit Europian. Pas takimit kreu i PD, Lulzim Basha tha për mediat që sëbashku me liderët e tjerë të opozitës së bashkuar, i kanë paraqitur me fakte dhe prova ndërkombëtarëve realitetin ku sot ndodhet Shqipëria.
Basha tha se për ndërkombëtarët deri më sot ka qenë i rëndësishëm stabiliteti, por përqasja e stabiliteti mbi demokracinë ka sjell dështim.
‘U shpjeguam atyre gjendjen se ku ndodhet vendi, dhe si opozitës nuk i është dhënë asnjë mundësi tjetër. Ose të bëhet fasadë e një qeverie kriminale, ose ti tregojë shqiptarëve dhe botës mbarë se ky sistem ka rënë. Zgjedhjet e liria dhe të parakohshme është e vetmja zgjidhje, e cila do ti zgjidhe duart drejtësisë. Kjo nuk mund të ndodhë si një përpjekje fasadë, sa për të arrestuar Gjush Dakon sa për sy e faqe, por vjen si një akt i ndarjes së PS nga krimi. Largimi i Edi Ramës dhe zgjedhjet e lira dhe të ndershme, janë rruga e vetme që do të kthejnë besueshmërinë tek institucionet. Detyra jonë është të shpjegojmë me fakte të pakundërshtueshme realitetin. Shqetësimi i faktorit ndërkombëtar ka qenë stabiliteti, por në këtë fazë ku jemi ne, detyra jonë është që shpjegojmë se futja e krimineleve në parlament ,mbjellja e vendit me drogë, pastrimi i parave dhe kthimi i krimit të organizuar në faktor zgjedhjesh ka sjellë destabilitit. Edi Rama në emër të stabiliteti ka shkatërruar Shqipërinë. Ky është një proces, që miqtë tanë hap pas hapi duhet ta kuptojnë se përqasja e stabilitetit mbi demokracinë ka dështuar. Pasi autokratët e dështuar si Edi rama pasi dështuan me stabilitetin në vend, kërkojnë të japin mend dhe për stabilitetin e rajonit. Unë jam i bindur se opozita bashkë me qytetarët këtë proces do ta çojnë deri në fund. Unë nuk komentoj deklarata e misioneve të huaja. Nuk ka asnjë komunikim mes meje dhe Edi Ramës.
https://www.facebook.com/lulzimbasha.al/videos/286083992088631/
