Edi Paloka, nënkryetar i Partisë Demokratike, e cilësoi Parlamentin si pjesë e krimit.
Paloka tha se Parlamenti i vërtetë është këtu, duke iu referuar protestës, ndërsa theksoi se në sallë ndodhen deputetët e krimit.
Ai u kërkoi protestuesve të shporrin këtë klikë në pushtet, për ndryshe do të kthehemi në skllevër të Ramës.
“Ne jemi këtu për tu treguar Edi Ramës e kujtdo tjetër se, sot janë shqiptarët që kërkojnë ndryshim. Jemi këtu sepse nuk kemi për rrugëzgjidhje. Ose të fitojmë, ose të ulim kokën e të kthehemi në skllevër të Edi Ramës. As dhuna dhe as presioni nuk do të na ndalë. Rama ik!”, u shpreh Paloka.
