Forcat e policisë kanë vendosur në gadishmëri të plotë automjetet me ujë që përdoren për shpërndarjen e protestuesve.
Pas hedhjes me shumicë të gazit lotsjellës ndaj protestuesve, tashmë policia ka ofruar edhe autobotet me ujë, ndërkohë që në rrjeshtat e parë të protestës ndodhen drejtuesit kryesorë të opozitës.
Në rrjeshtin e parë janë vendosur forcat speciale të policisë.
Ndërkohë që është ndërprerë ndriçimi në pjesën e pedonales, qytetarët janë të vendosur të qëndrojnë rreth Kuvendit.
Protestuesit i kanë bërë thirrje policisë që të mos konfrontohet, ndërsa qytetarët janë përqëndruar kryesisht në hyrjen dytësore të Kuvendit, andej edhe nga hyjnë deputetët.
Nga ana tjetër duket se socialistët po zgjasin seancën parlamentare, duke regjistruar emrin për fjalime, siç duket deri në gjetjen e një mënyre sesi të dalin nga Kuvendi.
