E duam Shqipërinë si gjithë Europa, Liri Demokraci, Parlament i krimit, Rama ik, ishin disa parrullat e hedhura nga mbështetësit e opozitës, që kanë rrethuar Kuvendin.
Disa mijëra qytetarë i janë përgjigjur thirrjes së opozitës për tu bashkuar në protestë, ndërsa në sallën e Kuvendit janë mbledhur deputetë socialist, por pa praninë e Kryeministrit Edi Rama.
Protesta është paqësore, pavarësisht disa incidenteve të vogla. Protestuesit tentuan të pengojnë hyrjen e deputetëve të PS që të kalojnë gardhin e Kuvendit.
“Edvin, hajdut, kazan, legen”, ishte një ndër thirrjet e protestuesve, ndërsa deputetëve socialistë i është kërkuar të lëshojë zyrën.
“Edi Rama ka mbaru, ka mbaru…”, ishte një tjetër parrullë kundër Kryeministrit, ndërsa forcat e policisë të pozicionuara në mbrojtje të tij, janë konsideruar si policët e hashashit.
