Ndërkohë që mijëra shqiptarë kanë rrethuar Parlamentin në mbështetje të thirrjeje të opozitës, Gramoz Ruçi në seancën që po zhvillohet pasditen e sotme, ka njoftuar që Grupit Parlamentar socialist i është bashkuar edhe një deputet. Duket se Ruçi ka shfrytëzuar këtë moment për të mbajtur lart moralin e Rilindjes, në një kohë kur opozita ka mbledhur mijëra në shesh.
Ruci njoftoi se në zbatim të ligjit dorëzimi i mandateve nga opozita i është dorëzuar KQZ-së, ndërsa shtoi se deputeti Dritan Bici, i pas largimit nga PDIU-ja ka qenë i pavarur, tashmë i është bashkuar PS-së.
“Në zbatim të kodit për dorëzimin e mandateve, njoftuam organin kompetent për të vijuar me procedurat e mëtejshme. Ndërkohë që iu njoftoj se deputeti Dritan Bici është bërë anëtar i grupit të PS-së”, u shpreh Ruçi.
Aktualisht PS ka në parlament 79 deputetë, nga 74 që mori në zgjedhjet e 25 qershorit.
Dritan Bici, Robert Bitri, Tom Doshi, Eleni Xhina dhe Reme Lala janë pjesë e socialistëve të drejtuar nga Edi Rama.
