Kryebashkiakët me 3 mandate kanë të drejtë rikandidimi. Kështu u vendos sot nga KQZ, të cilës i ishte kërkuar interpretimi mbi ligjin që ndalon drejtuesit e njësive të qeverisjes vendore të kandidojnë, nëse kanë 3 apo më shumë mandate në detyrë.
Përfaqësuesit e PS-së në KQZ kërkuan miratimin e një udhëzimi, sipas të cilit kryebashkiakët me 3 mandate të moskandidohen. Por ky udhëzim kërkonte 5 vota pro, ndërsa pro tij votuan 4 prej 5 anëtarëve të Komisionit.
KQZu përfshi nga debatet lidhur me atë se çfarë do të bëhet me ata Kryebashkiakë që kanë 3 apo më shumë mandate në funksionet e tyre. Ccështja që shtrohet është nëse ligji ka apo jo fuqi prapavepruese?
Sekretari i KQZ-së, Ylli Merkaj, gjatë mbledhjes së sotme ka lexuar ligjin për kryetarët e bashkive që kanë konsumuar tre mandate, ku është kërkuar nga administrata e KQZ-së interpretimi dhe sqarimi i kësaj çështje.
“Nëse do pranohet logjika se aplikohet vetëm pas hyrjes në fuqi do ishim në kushte e disa standardeve. Kështu që jemi të mendimit se kryebashkikët që kanë konsumuar 3 mandate nuk duhet të konsumojnë më mandate. Asnjë instiucion nuk është i caktuar të shprehet për këtë ligj.
KQZ si organ ka kompetence për ligjet dhe ka detyrim te zbatojë jo vetëm kodin zgjedhor, por edhe legjislacionin. Duhet të shtohet edhe një dispozitë për kandidatët që kanë 3 mandate”, sqaroi Merkaj.
Përfaqësuesi ligjor i Partisë Demokratike, Ivi Kaso, u shpreh se kjo çështje ka sensibilitet të madh pasi ka të bëjë me fatin e menaxhimit të disa bashkive.
“Nuk ka pasur ndonjë sensiblitet për të rregulluar këtë gjë dhe vjen nga një forcë politike që është në qeveri dhe njerez të kësaj partie janë kapur në sallën e Kuvendit, duke biseduar për këtë çështje (i referohet mesazheve të ministres Belinda Ballukut me deputetin Sadi Vorpsi, që donin të hiqnin qafe Fiqiri Ismailin)”, u shpreh ndër të tjera Ivi Kaso.
Në vijim ai shtoi “u përmend në relacion vendimi i Gjykatës Kushtetuese. Administrata pretendon se është çështje procedure. Administrata mendon se ligji për veteqeverisjen vendore është çështje procedure? Në nenet e këtij ligji parashikohet ndalim, a është procedure dhe kjo? Si i numëron administrata mandatet? 1, 2,3 para apo 1,2,3 pas. Nuk mendoni se po i hiqni disa kompetenca gjykatës?”,
Erdian Salianji, përfaqësuesi ligjor i Partisë Socialiste në KQZ, u shpreh se ligji e përcakton qartë se kryetari i bashkisë mund të ushtrojë vetëm 3 mandate.
“Është detyruese për KQZ të përcaktojë se si do zbatohet ky ligj. Thuhet qarte që kryetari i bashkisë mund të ushtrojë vetëm 3 mandate. As PD as PS nuk janë të varur nga një njeri. Dhe më shumë dëmtohet PS nga kjo gjë, se sa PD, se PS ka më shumë kryebashkike”, tha ai.
Kryebashkiakët me 3 ose më shumë mandate
