Për veshjen, ngjyra që mbizotëroi këtë vit në çmimet “Oscar”, në tapetin e kuq ishte metalizato dhe e zeza klasike, e cila nuk ikën kurrë nga moda.
Teksa personazhet e njohur kalonin në tapetin e kuq, nuk mund të mos vihej re dhe të mos komentohej veshja dhe pamja e tyre. Lady Gaga ishte një prej të veshurave më bukur, e cila ishte frymëzuar nga ikona e kinematografisë Audrey Hepburn për modelin e flokëve dhe bizhuteritë, ndërsa kishte zgjedhur një fustan nga Alexander McQueen.
Jennifer Lopez, Ashley Graham, Charlize Theron dhe Emilia Clarke ishin ndër aktoret e veshura më bukur.
