Protesta e 28 shkurtit para Parlamentit dhe përgatitja e saj, pritet të jetë në qendër të mbledhjes të thirrur nga kreu demokrat, Lulzim Basha, që do të mbahet pasditen e sotme të Këshillit të Kryetarëve.
Mbledhja do të mbahet në orën 17:00, ndërsa burime nga PD konfirmojnë se në të do të diskutohet mbi protestën e 28 shkurtit që do të mbahet para Parlamentit.
Gjithashtu do të diskutohet mbi strategjinë që do të ndiqet nga opozita për ditët në vijim, deri në kulmimin me protestën e 16 marsit që do të mbahet në Tiranë, tubimi i 3-të i madh brenda një muaji.
Opozita, pas djegies së mandateve të deputetëve të saj, nuk përjashton mundësinë që të kalohet në mosbindje civile, ku një nga format është edhe refuzimi i I pagesës së taksave.
KQZ pritet që gjatë kësaj jave të marrë në shqyrtim kërkesat për dorëzimin e mandateve nga deputetët e opozitës, ndërsa socialistët e drejtuar nga Edi Rama, po përpiqen të kalojnë pa shumë vëmendje ose pa i dhënë rëndësi preçedentit të dorëzimit të mandateve në grup.
