Moti me reshje dëbore ka sjellë edhe probleme në qarkullimin me automjete. Autoriteti Rrugor Shqiptar, në një njoftim mbi gjendjen e akseve kryesore të vendit, jep informacione mbi rrugët në të cilat qarkullimi bëhet me zinxhirë.
“Në Qarkun Korçë gjate natës reshjet e dëborës u ndërprenë. Temperaturat kanë qenë të ulëta -11 gradë. Kompania e mirëmbajtes ka qenë në punë për pastrimin e rrugës dhe shpërndarjen e kripës. Qarkullimi bëhet pjesërisht me zinxhir – Qafa e Qarrit Korçë-Ersekë. Kalimi në rrugën e Dardhës bëhet me zinxhir”, njofton ARRSH.
“Në Veri qarkullohet pa probleme. Rekomandohet përdorimi i zinxhirëve vetëm në km e fundit të aksit Ura e Cerenecit- Steblevë”, thuhet më tej në njoftim. /Boldnews.al/
*Lexo edhe: Moti i keq, probleme me energjinë elektrike, më të prekura Shkodra dhe…
