Shqiptarët protestojnë se së pari kërkojnë zgjedhje të lira dhe të ndershme, u shpreh deputeti Fatmir Mediu, gjatë fjalës së mbajtur në Asamblenë Parlamentare të OSBE.
Mediu tha se kjo Asamble është për zgjedhje të lira dhe të ndershme, ndërsa në protestën e opozitës ishin pjesëmarrës 100 mijë qytetarë.
“Shqiptarët protestuan, më shumë se 100 mijë njerëz, protestojnë çdo ditë. Për çfarë?
Së pari, ata po kërkojnë zgjedhje të lira dhe të ndershme dhe mendoj se kjo Asamble është për zgjedhje të lira dhe të ndershme.
Së dyti, ata kërkojnë që të luftohet krimi i organizuar, korrupsioni dhe lidhja e kryeministrin me to. Mendoj se kjo asamble është kundër kësaj.
Ata po kërkojnë të respektohet Kushtetuta, pavarësia në gjyqësor. Shqipëria prej 2 vitesh nuk ka një Gjykatë Kushtetuese.
Jam këtu me miqtë e mi gjermanë dhe amerikanë. Nëse Gjykata e Lartë nuk do të funksiononte në SHBA do të ishte alarm.
Shqiptarët janë kundër emigracionit. Ata i kërkojnë qeverisë të ketë zgjedhje të lira dhe të ndershme.
Lajçak tha se ndryshimi i kufijve për Kosovën nuk është zgjidhje.
Ndryshimi i kufijve do të sillte konflikt në Ballkan”, tha Mediu në ndërhyrjen e tij.
DENONCO