Mediat italiane/ Paratë e drogës në Shqipëri janë përdorur në zgjedhje, do të përdoren edhe …

Droga dhe paratë e pista në blerjen e votave në Shqipëri, kanë qenë sot kryelajmi i publikuar në mediat italiane.

Televizioni shtetëror Rai2, ka transmetuar sot një intervistë me një nga trafikantët e drogës në Shqipëri, i cili thekson se droga në Shqipëri dhe jashtë saj qarkullon me mbështetjen e politikës.

Trafikanti nga Shijaku ka deklaruar gjithashtu se paratë e drogës janë përdorur në zgjedhjet e kaluara për të blerë votat, po ashtu ato do të përdoren sërish edhe në zgjedhjet e ardhshme.

‘Para do të thotë fuqi. Lekët e drogës u përdorën zgjedhjet e kaluara, ashtu siç do të përdoren edhe në zgjedhjet që vijnë’, deklaron për Rai2, trafikanti nga Shijaku.

E plotë

Pas protestave më Shqipëri kundër qeverisë, e akuzuar se ka raporte me krimin, i dërguari ynë, Leonardo Zelino hyn në strofullën e një trafikanti  droge dhe armësh.

(një person që bën gati një kllashnikov)

“Doreza për të mos lënë gjurmë gishtërinjsh, teksa prekim një kallashnikov, një armë që s’fal.

“Armën e përdorim për të mbrojtur mallin dhe për të vrarë njerëz, nëse është e nevojshme. Këto blihen 150 euro e më pas shiten 4-500 euro copa në Itali”.

Igli nuk shet armë. Ai bën “biznes” kryesisht me barin, është një grosist marijuane. Për të mbërritur tek shtëpia e Iglit, takohemi fillimisht me Ndërmjetësin, përgjatë bregdetit të Durrësit dhe me makinë ecim rreth 30 km deri në Shijak. Në hyrje të zonës duhet ta fikim telekameran dhe me kapuç në kokë derisa të mbërrijmë në shtëpinë e Iglit.

LEXO EDHE  Vjen mesazhi i dytë nga qeveria gjermane: Nuk pranojmë zgjedhje pa opozitën, dorëheqja e Ramës jo një tabu!

“Këtu janë 10 kg. Kur vijnë blerësit, fillimisht ua jap ta provojnë. Nëse u pëlqen, i çoj tek magazina dhe marrin sa kile duan”.

Është e pamundur ta shohim magazinën, më thonë, pasi kontrollohet policore në vitin e fundit janë bërë të imtësishme.

“Ky mall do përfundojë tek ju, në Itali”.

Shijaku është zona e Avdylajve, e supertrafikantëve, të arrestuar shpeshherë, që në telefon, para zgjedhjeve të fundit të 2017-s, flisnin për vota. Njëri prej vëllezërve Avdylaj, në përgjimet e zbardhura nga Zëri i Amerikës, organi zyrtar i Shteteve të Bashkuara, falenderohet nga Vangjush Dako, kryebashkiaku i Durrësit dhe sekretari rajonal i Partisë Socialiste, që qeveris vendin. Dosja e përgjimeve ka ngecur në prokurorinë e përgjithshme tashmë prej dy vitesh, për shkak të lidhjes së hamendësuar me narkotrafikantët, për të cilën flet opozita parlamentare.

“Natyrisht, marijuana – lekë, lekët – pushtet, pushteti blen”.

“Në zgjedhjet e fundit kështu ndodhi?”

“Po. Ashtu siç do të ndodhë edhe në zgjedhjet e ardhshme”.

http://www.tg2.rai.it/dl/RaiTV/programmi/media/ContentItem-eecd8762-130d-448b-8a23-95a843a5870b-tg2.html