Deputeti demokrat, Aldo Bumci, duke folur në ‘Opinion’ tregoi se si do të vijojë përballja e opozitës me kryeministrin Edi rama, tashmë që opozita dorëzoi mandatet.
Bumçi tha se beteja kundër Edi Ramës do të vijojë në çdo rrugë dhe në çdo qytet.
‘Kjo është një rrugë pa kthim. Ne nuk jemi më fasada e Edi Ramës, që këtë vend e ktheu në diktaturën e vetme në Europë, ku ne shërbejmë si fasadë. I dhamë 6 vjet kohë Edi Ramës, punuam brenda këtij sistemi. Sot e tutje ne jemi përfaqësues të të gjithë qytetarëve të cilët kanë një urrejtje të madhe ndaj Edi Ramës. Urrejtja ndaj Edi Ramës, sheshin e mbushi shpresa për një Shqipëri tjetër. Sheshi u mbush si përgjigje ndaj kësaj përgjigje. Nuk ka kthim mbrapa, nuk do të ketë negociata me Edi Ramën. Dëgjuam partnerët dhe i dhamë mundësinë në 2017-n, por çfarë nxorën përgjimet. Krimi i organizuar është futur në zgjedhjet e 2017-s. Në momentin që ne jemi në zgjedhje, nuk ka çfarë të bëjë më opozita. E provuam me dekriminalizimin, dhe erdhi kanabizimi. Dolëm nga Çadra hymë në zgjedhje, por çfarë ndodhi? Në 2017-n doli që krimi i organizuar ishte totalisht në zgjedhje, 20 për qind e qytetarëve thonë na ëhstë ofruar lekë, atëherë çfarë mundësie ti japim Ramës. Ne nuk kthehemi mbrapsh sepse sot ne u themi të gjithëve, që ne folëm për krimin, folëm për drogën, por çfarë i ndodhi PD-së në 2017-jn. Kjo ishte një sakrificë të pranoje krimin në politikë, çfarë do të na kërkojnë më ndërkombëtarët. Deklaratat e ashpra janë të frikshme, askush nuk do lëvizje jashtë sistemit, sot ne jemi në rrugë. Ne jemi sot në rrugë, lëvizja e fundit paqësore ishte djegia e mandateve. Ne u themi partnerëve që ju dëgjuam, por ai ishin milionat e eurove që blenë votat e një populli të varfër. Ne nuk pranojmë standarde demokracie që nuk pranohen as në Maqedoni. Nuk munden shqiptarët të pranojnë më pak se maqedonisit. Aksioni qytetar do vazhdojë, protesta më e madhe që kanë parë shqiptarët. Këtu e tutje protesta vlen, rruga dhe protesta janë i vetmi shpëtim i shqiptarëve. Sot përveç PD dhe opozitës më thuaj një institucion që është i pakapur nga Edi Rama. Protestat tona do të vijojnë të jenë masive në çdo qytet të Shqipërisë dhe në Tiranë. Format dhe mënyrat do ti mësoni. Mos mendojë Edi Rama që atë që bëri me studentët, nuk mund të tërheqë zvarrë popullin, ai nuk mund të manipulojë popullin’, deklaroi Bumçi.
