Kuvendi nuk do të ketë nesër seancë parlamentare, ndërsa vendimi është marrë nga kryeparlamentari Gramoz Ruçi.
Duket se ky vendim ka lidhje të drejtpërdrejtë me protestën që do të zhvillojë opozita në orën 10:00 përpara godinës së Kuvendit. Frika nga një përplasje e mundshme mes protestuesve dhe forcave të sigurisë mund të jetë shkaku që Ruçi të ketë marrë vendimin për anulimin e protestës.
Gjithsesi vendimi mund të ketë lidhje me kërkesën e ambasadorëve, të cilët kanë nisur një proçes negociimi për zgjidhjen e një krize të mundshme politike në vend, që mund të vijë si pasojë e dorëzimit të mandateve nga deputetët e opozitës.
Policia më parë njoftoi për masat që do të merrte, ndërsa do të angazhoheshin rreth 1200 policë, përfshi këtu edhe ato të forcave speciale.
Nuk dihet tashmë nëse opozita do të ndryshojë vendin e zhvillimit të protestës, duke u zhvendosur para Kryeministrisë, apo protesta do të mbahet para Kuvendit.
