Nesër është një ditë e rëndësishme! Është kjo deklarata e bërë nga Ambasadori i BE-së në Tiranë, Luigi Soreca, pas takimit të zhvilluar me kreun demokrat, Lulzim Basha, në selinë e PD-së.
Soreca, referuar protestës së nesërme të opozitës, tha se shpresonte që të mos kishte akte dhune.
Ambasadori i BE nuk ka folur lidhur me vendimin e opozitës për djegien e mandateve, ndërsa ka komentuar vetëm protestën e saj.
“Kam qenë shumë i qartë, është e nevojshme që të diskutohet. Mendoj se nesër është një ditë e rëndësishme ne presim të mos ketë dhunë dhe të ndiqen proceset demokratike”, u shpreh Soreca.
Ai shtoi se ka diskutuar me kreun e PD dhe ka vënë theksin në rëndësinë që ka dialogu.
Opozita ka thirrur protestën e rradhës para Kuvendit të Shqipërisë, në një kohë kur në sallën plenare do të zhvillohet seanca e rradhës.
