Opozita e bashkuar ka vendosur djegien e mandateve të deputetëve të saj, ndërsa pritet zyrtarizimi i proçedurës.
Por çfarë ndodh pasi deputetët e opozitës të dorëzojnë mandatet?
Ylli Manjani, jurist i njohur dhe ish-ministër i Drejtësisë, përmes një postimi në rrjet sqaron situatën duke renditur edhe 5 hapat.
Postimi i Ylli Manjanit
Sqarim:
———
Në pamundësi për t’u dhënë përgjigje veç e veç gazetarëve dhe miqve të shumtë që më pyesin: “si zgjidhet ligjërisht situata post dorëzimit të mandateve të opozitë”, po sqaroj këtu:
- Situata e djegies apo dorëzimit en block të deputetëve të opozitës nuk është një çështje juridike, por një gjest thellësisht politik.
- Kushtetua e ligji zgjedhor ka parashikuar procedurën e zëvendësimit të mandatit të deputetit por jo zëvendësimin e opozitës.
- Ligjërisht nuk ka çështje për të zgjidhur, sepse qeveria ka numra parlamentarë mjaftueshëm për të qëndruar në këmbë. Diskutimi është a mund të rrijë në këmbë politikisht dhe moralisht.
- Duke qenë se kjo është një situatë politike zgjidhja duhet kërkuar në hapësirën politike dhe jo juridike. Çdo hap juridik që tenton të trajtojë krizën politike, vetëm e përkeqeson këtë të fundit.
- Aktualisht topi është në anën e qeverisë. Ajo ka barrën të ofrojë zgjidhjen politike të përshtatshme për situatën.
