Partia Demokratike denoncoi skemën sesi Elisa Spiropali, ministre e Shtetit, ka favorizuar vëllain e saj për përfitimin e tenderave.
Jorida Tabaku, deputete e PD-së, theksoi se familja Spiropali është simbol i falsifikimit dhe përfitimit të fondeve publike përmes një skeme të paligjshme.
“Dokumentat zyrtare të publikuar nga Boldnews.al konfirmojnë se vëllai i Elisa Spiropalit, krijoi kompaninë Solomon me qender ne Fier dhe kapital 1 mln lekë të vjetra. Kompania e sapo krijuar fitoi tenderin e majme dhe bamirësi ishte bashkeshorti i Spiropalit. Por vellai i saj e shiti kompanine me letra me 8 prill te 2014 tek kushuriri i bashkeshortit.
Me këtë skemë, për t’u fshehur pas kushëririt, bashkeshorti i ka dhënë familjes së tij 530 mln lekë”, tha Tabaku.
Në vijim deputetja e PD kërkoi hapjen e një hetimi pasuror, duke shtuar se ndjekja e parave do të mund të zbardhë skema të tjera të konfliktit të interesit.
350 MIJË USD – Bashkëshorti i Spiropalit ia dha tenderat vëllait të Elisës
