Gjykata e Tiranës pritet të japë sot masën e sigurisë për 16 qytetarët e arrestuar pas protestës së opozitës më 16 shkurt.
Gjyqtarja Rexhina Mlika do të vlerësojë provat e organit të akuzës për secilin prej të arrestuarve, ndërsa prokuroria ka ngritur akuza për katër vepra penale: kundërshtim të policisë, dëmtim prone me dashje, protestë pa leje dhe prishje të qetësisë publike.
Ndër personat e arrestuar është edhe Florenc Hoxha, ish-kreu i Policisë Bashkiake të Tiranës, por edhe Sajmir Rexhepi, i njohur edhe si “Ujku i Cërrikut”.
Ivi Kaso, avokat i të arrestuarve, i ka cilësuar arrestimet politike.
Ndërkohë në mjediset e jashtme të gjykatës janë parë familjarë dhe mbështetës të opozitës, sikundër një pjesë e deputetëve të saj.
Të arrestuarit janë: Florenc Hoxha, Emanuel Nallbani, Naim Haxhiu, Andon Gjini, Resul Daci, Suzana Dimushi, David Linati, Hasan Jakupi, Ilir Hamedini, Festim Taku, Sajmir Rexhepi, Mitat Fieraku, Lefter Jakupi, Pëllumb Sheluka, Veljan Dine dhe Ndue Tuci.
