Gazetarja shqiptare Erisa Zykaj e cila jeton e punon në Bruksel ka dhënë një intervistë të drejtpërdrejtë në SYRI.net.
Duke folur live nga Brukseli Zykaj ka treguar se çfarë ndodh në selinë e BE-së në lidhje me situatën në Shqipëri.
Duke iu përgjigjur pyetjeve të gazetarit Alen Xhelili, Zykaj ka treguar se vendet anëtare të BE-së, nuk i besojnë më raporteve të Komisionit Europian.
‘Vendet anëtarë të BE-së nuk i besojnë më raporteve të Komisionit Europian. Ata kanë diplomatët e tyre, ambasadorët e tyre, kanë raportet e institucioneve të ndryshme ndërkombëtare, kanë raporte të organizatave të ndryshme.
Komisioni Europian mund të ketë raportin e tij, por ministrat e Jashtëm të BE-së kanë raportet e veta dhe shikojnë gjendjen e vërtetë në të cilën ndodhet Shqipëria, ndryshe nga e paraqesin raportet e Komisionit Europian.
Kur mblidhen Ministrat e Jashtëm të BE-së për të marrë vendimet e tyre për të hapur negociatat, ata nuk bazohen tek raporti i Komisionit Europian, por kanë raportet e tyre’, u shpreh gazetarja Erisa Zyka. /Syri.net.
