Nga Boldnews.al
Kompania e krijuar nga Enkli Spiropali ka fituar të paktën 4 tendera në institucionet e varësisë së motrës së tij, Elisa Spiropali, pak muaj pasi ai ia shiti aksionet Marjus Memushajt, një i afërm i bashkëshortit të ish-Drejtoreshës së Doganave, sot Ministre e Shtetit.
Në vitin 2014, kohë kur Elisa Spirolali ishte Drejtore e Përgjithshme e Doganave, kompania “Solomon Construction” e drejtuar nga 26-vjeçari Memushaj fitoi 4 tendera në Doganat e Fierit dhe Vlorës.
Shifra e përfituar nga këto 4 tendera nuk ishte shumë e lartë, rreth 670 mijë lekë të reja. Por, këto tendera janë dhënë nën hijen e fortë të dyshimit për konflikt interesi.
“Boldnews.al” raportoi më herët se “Solomom Construction” ka përfituar rreth 35 milionë lekë të reja në tenderat e zhvilluar nga Ujësjellësi i Fierit për periudhën 2014-2016, kohë kur institucioni drejtohej nga Salarjon Totaj, bashkëshorti i ministres së sotme të Shtetit, Elisa Spiropali.
“Solomon Construction” fitoi tenderin e parë tek Ujësjellësi i Fierit në Mars 2014. Në atë kohë, kompania drejtohej nga Enkli Spiropali dhe tenderi ishte 6.6 milionë lekë të reja.
Pak kohë më pas, kompania iu shit Marjus Memushajt, kushëri i dytë i Salarjon Totaj. Nën drejtimin e Memushaj, kompania “Solomon” përftoi edhe rreth 30 milionë lekë të reja të tjera nga institucioni i drejtuar nga Salarjon Totaj, nëm dyshime të forta për konflikt interesi.
Paralelisht, “Solomon” rezulton që në të njëjtën periudhë të ketë fituar tendera edhe nga degët lokale doganore të Fierit e Vlorës, të cilat ishin nën varësinë e drejtëpërdrejtë të Elisa Spiropalit, bashkëshorte e kushëririt të tij, Salarjon Totaj.
Të dhënat e publikuara në “Opendata.al” dëshmojnë se në fund të vitit 2014, “Solomon Construction” ka marrë katër pagesa nga Doganat Shqiptare.
Pra, “Solomon Construction” e Marjus Memushaj rezulton se në periudhën 2014-2016 ka përfituar fonde nga Ujësjellësi i Fierit, i drejtuar nga kushëriri i tim, Salarjon Totaj dhe nga degët doganore, të cilat ishin nën varësinë e Elisa Spiropalit, bashkëshorte e Salarjonit.
“Solomon Construction” vijon aktivitetit e tij edhe pas largimit të Totajt nga Ujësjellësi Fier e Spiropalit nga Doganat.
Po sipas të dhënavë të “Opendata.al”, kompania e Marjus Memushaj ka fituar tendera edhe në institucione të ndryshme, deri në fund të vitit 2018. “Solomon Construction” ka vijuar të marrë tendera tek degët doganore edhe pak kohë pas largimit të Spiropalit nga posti i Drejtores së Përgjithshme të atij institucioni.
Sipas përllogaritjeve të të dhënave publike, “Solomon Construction” ka fituar rreth 150 mijë dollarë nga tenderat e zhvilluar në institucione lokale, kryesisht në rajonin Fier-Vlorë.
350 MIJË USD – Bashkëshorti i Spiropalit ia dha tenderat vëllait të Elisës
