Një koment i Edi Ramës pasditen e sotme, duke ironizuar djegien e mandateve të deputetëve nga opozita dhe krahasimi që i bën qeverisë me Juventusin, ka shkaktuar reagime të shumta.
Kreu I grupit parlamentar të LSI-së, Petrit Vasili, përmes një komenti në rrjetet sociale, ka shpërthyer në akuza ndaj Ramës duke e cilësuar edhe hajdut, rryp dhe idiot.
“Edi Rama si hajdut krahasohet me Juventusin që vodhi kampionatin.
Po ç’është ky idiot kryeministër!
Shpjegojani rrypit, që kur Juventusin e zunë që vidhte kampionatet me manipulime e blerje arbitrash, e bënë shembull, ja hoqën kampionatin dhe e çuan në serinë B.
Po ky shpirtin tek hajdutllëqet e ka, ndaj edhe shembujt me hajdutllëqe i jep, ndaj e krahason veten me Juventusin.”, shkruan Vasili.
