Erjon Veliaj, Kryebashkiak i Tiranës, shkarkoi sot nga detyra disa prej përfaqësuesve të PDIU-së, që kishin funksione në bashki, por që morën pjesë në protestën e 16 shkurtit të thirrur nga opozita.
Kozeta Mesiti, nënkryetare e Bashkisë së Tiranës, e cila u shkarkua pse protestoi kundër Ramës, tha se ajo ka të drejtën si qytetarë e lirë të veprojë si të dojë.
“Jam krenare që kam përfaqësuar PDIU si Nënkryetare e Bashkisë Tiranë, në këto muaj .
Askush nuk mund të më ndalojë si qytetare e lirë, në ditë pushimi, ti bashkohem qindra mijëra shqiptarëve që protestuan kundër qeverisë, skamjes , zbrasjes së vendit nga rinia dhe gjithcka tjetër që rëndon çdo ditë e më shumë jetën e qytetarëve.
Personalisht, ndjehem e nderuar që isha pjesë e asaj proteste madhështore si shprehja më e mirë e qytetarisë për të reaguar dhe mos u nënshtruar”, reagoi Mesiti.
