Dy persona kanë humbur jetën dhe një tjetër është plagosur në Vlorë. Është ky bilanci i të shtënave me armë zjarri në zonën e Ujit të Ftohtë, ndërsa policia ka ngritur postoblloqe për të kapur atentatorët.
Nga të dhënat e para mësohet se kemi të bëjmë me një atentat, ndërsa i plagosuri është transportuar drejt spitalit.
Mësohet se viktimat janë identifikuar si Aurest Rexho dhe Arjan Hasani, ndërsa i plagosuri Armando Sulejmani ndodhet në spital jashtë rrezikut për jetën.
Mësohet se ndaj viktimave janë zbrasur të paktën dy karikatorë armësh automatike.
