Nga Boldnews.alMomenti kur Drejtori i Përgjithshëm i Policisë së Shtetit Ardi Veliu takonte policët pas protestës ishte xhiro e fundit që paralajmëronte se reprezalja do nistë së shpejt. Pasi Garda e Republikës dhe policia zbrazën mbi protestuesit qindra bomba me gaz lotsjellës, faza e dytë ishte edhe më terrorizuese, natën, larg syve të kamerave, pa dëshmitarë dhe në shërbim të politikës së pushtetit.
Errësira mbulon dhunën shtetërore, por shpejt edhe aty u zbulua. Kamerat fiksuan momentin e shoqërimit në polici të ish-drejtorit të Policisë Bashkiake Florenc Hoxha. Një grup i forvave operacionale, më shumë se 20 efektivë të armatosur rënde me automaktikë ndërhynë brutalisht në banesën e tij dhe pasi i vendosën prangat nisën ta fyejnë, dhunojnë e hakërrehen me shprehjet që shpesh përdoret në zyrat më të larta të shtetit: “do të q.. r..t”.
Jemi përpara një kryeministri trim, sidomos kur nata mbulon vendin, sidomos kur qytetarët janë edhe më të pa mbrojtur, sidomos kur e zë kriza e humbjes së pushtetit e gërshëtuar ma halucinacione prsikotrope.
Përfundimi dihet, terrori dhe shuna i përngjan këshishëzinjve të regjimeve diktatoriale. Ashtu si Hoxha edhe të tjerë qytetarë që dyshohet se morën pjesë në incidentet në protestën e opozitës kanë përjetuar po të njëjtën dhunë e trysni, fyerje dhe shkelje të të drejtave që u ofron ligji që qartësisht ka të shkruara procedurat e shoqërimit apo arrestimit.
Vetëm për zbatim ligji natën vonë mbrëmë nuk mund të flitej. Ata që vepruan nuk janë shumica e policisë së shtetit, por një grup mercenarësh politik, që drejtohen nga urdhrat që vijnë lart nga shefat e zellshëm të pushtetit, të ndikuar prej urdhrave të tyre.
Ligji e parashikon qartë se Forcat e Ndërhyrjes së Shpejtë, RENEA, apo Grupi i Forcave Operacionale lëvizin dhe vihen në akson vetëm me urdhër të Drejtorit të Përgjithshëm të Policisë së Shtetit. Dhe kryepolici Ardi Veliu u transformua pasdite dhe nuk ishte më ai që sa për të bërë xhiro para kamerave rrihte shpatullat e policëve në shenjë “mirënjohje” si të ishte një fitore pas një beteje më shumë humbje… “Policia bëri detyrën me përpikmëri dhe vetëm detyrën”-tha ai.
Një tjetër detyrë ishte planifikuar për policinë, por edhe këtu i përzgjodhën ata efektivë të cilët do viheshin jo më në shërbim të ligjit dhe shtetit, por në nder të pushtetit. Ndërhyrjet brutale, të shoqëruara me dhunë fizike dhe psikologjike ndaj të paktën 37 personave të evidentuar si të “dhunshëm” gjatë protestës.
Po kë dhunuan? U tha zyrtarisht se tetë efektivë policie morën ndihmë mjekësore në spital, por edhe ata shumica u trullosën nga gazi lotsjellës që hidhte garda pa kursim… Dhunë konsiderojnë goditjen hyrjen e kryeministrisë, dhunë e madhe është edhe shqyerja e mbulesës që ruante isntalacionin me neone të hyrjes së godinës së rëndë të pallatit kryeministror. Pas protestës ka nisur terrori që vjen me urdhër nga larg dhe zbatohet nga punonjës policie që kapërcejnë praktikat normale dhe ligjore të shoqërimeve apo ndalimeve.
