Policia e Shtetit ka vijuar aksionin për ndalimin e personave, pjesëmarrës në protestën e djeshme të opozitës, për të cilët ka dyshime se kanë ushtruar dhunë.
Sikundër raportohet, aksioni i policisë përveç Tiranës, është shtrirë edhe në Durrës, Lezhë dhe Fier.
Në total janë shoqëruar 37 persona.
Raportohet se në këto qytete janë ndaluar të rinj dhe kryefamiljarë, të cilët janë shoqëruar në komisaritet e policisë.
Gjithashtu në Tiranë gjatë orëve të natës raportohet edhe për 20 të ndaluar të tjerë, të cilët po verifikohen.
