Policia e Vlorës ka dhënë një informacion lidhur me ngjarjen e rëndë të ndodhur në Vlorë ku mbetën të vrarë dy persona dhe u plagos një tjetër.
Policia ka bërë të ditur informacionet paraprake rreth kësaj ngjare, duke cilësuar se ka ndodhur në rrethana të paqarta.
Informacion paraprak
Pak minuta më parë në lagjen “Ujë i Ftohtë”, Vlorë, kanë mbetur të vrarë dyshohet me armë zjarri 2 shtetas dhe 1 tjetër u plagos, në rrethana ende të paqarta.
Një grup i posaçëm hetimor u ngrit menjëherë dhe po punon për sqarimin e rrethanave dhe identifikimin e ndalimin e personave të implikuar në ngjarje. Për shkak të hetimeve nuk mund të bëhen të ditura detaje të tjera.
