Një sasi lënde narkotike është bllokuar nga policia greke në Igumenicë. Lënda narkotike iu bllokua dy shqiptarëve në stacionin e autobuseve.
Mediat raportojnë se shqiptarët të moshës 22 dhe 31 vjeç janë arrestuar nga policia.
Sikundër raportohet, agjentët e anti-drogës ndërhynë përpara se shqiptarët të hipnin në autobusin e linjës Igumenicë-Athinë, ku mendohet se ishte edhe destinacioni final i lëndës narkotike.
Lënda narkotike ishte e ndarë në 4 pako, ndërsa shqiptarët kishin kaluar nga kufiri i gjelbër ilegalisht. Policia ka sekuestruar edhe dy celularë që i përkisnin të arrestuarve.
