Ish-kryeministri Sali Berisha ka paralajmëruar kreun e qeverisë Edi Rama të japë dorëheqjen nga posti i kryeministrit.
“Shqiptarët dinë dhe të zvarrisin, mos i shtyjnë aty, po Rama të japë dorëheqjen. I them Ramës mos e harro këtë se duhet të jesh skllav i të gjitha veseve të krimeve të njeriut që të mos japësh dorëheqjen”, tha Berisha.
Ai foli për një skenar të policisë që “hapi kordonët”.
Berisha tha se nga qytetarët nuk u ushtrua asnjë lloj dhune: “Kush i hodhi bombën me gaz? Policia i hodhi”.
“Qytetarët firmonin fundin e kakistoracisë, tha Berisha, ndërsa kryeministrit i tha të japë dorëheqjen për të mos pësuar fatin e Ramiz Alisë, “babait shpirtëror të Ramës”
Një apel, Berisha e bëri edhe për “policët e ndershëm”: “Thirrja për policët e ndershëm, bashkohuni me popullin, mos mbroni kriminelet banditët, bashkohuni me qytetarët”.
