Protesta e organizuar nga opozita para kryeministrisë ndoshta ka angazhuar edhe numrin më të madh të forcave policore në vitet e fundit.
Kështu raportohet se mbi 1300 policë do të jenë në gadishmëri, ndërsa vetëm pranë godinës së kryeministrisë do të përqëndrohen rreth 900 trupa.
Ajo që mund të veçohet është fakti se godina do të jetë e rrethuar nga forcat special, për të cilat raportohet se do të jenë në shifrat 650-700 trupa.
Ato do të pozicionohen përgjatë rrugës Ismail Qemali, që lidh godinën e Kryeministrisë me atë të televizionit publik, një aks rrugor për të cilin opozita ka njoftuar se do të përdoret për protestën, duke synuar rrethimin e godinës qeveritare.
Ndërkohë që mësohet se efektivë të Gardës së Republikës nuk do të jenë të ekspozuar në ambientet e jashtme të Kryeministrisë.
