Drejt Tiranës nuk janë nisur vetëm qytetarë që do të protestojnë kundër qeverisë. Mësohet se drejt kryeqytetit prej ditës së djeshme dhe në orët e para të mëngjesit të sotëm janë nisur disa qindra punonjës të Policisë së Shtetit.
Raportohet se policët e ardhur nga rrethet për të ndihmuar ato të Tiranës do të jenë në gadishmëri për çdo situatë që mund të krijohet para godinës së Kryeministrisë.
Mbi 900 policë, pjesa më e madhe e të cilëve efektivë të reparteve special të FNSH dhe RENEA, janë vendosur pranë godinës qeveritare, ndërsa rreth 1 orë para fillimit të protestës, efektivë të policisë kanë krijuar kordonët e sigurisë para Kryeministrisë.
