Basha akuza policisë: Skenar për të nxitur dhunën…

Ka një skenar nga ana e Policisë së Shtetit, për të nxitur dhunën. Kështu u shpreh kreu demokrat Lulzim Basha lidhur me përplasjen dhe tensionet e krijuara para godinës së Kryeministrisë.

Basha theksoi se prej 4 ditësh policia po provokon protestuesit, duke e cilësuar këtë një skenar tërësisht të papranueshëm.

“Ministri i Brendshëm e di fare mirë që kordoni i policisë ka hapur radhët për të krijuar një skenë të tillë. Siç e shikoni rrinë duarkryq sepse kanë një skenar për të nxitur dhe për të stimuluar dhunë. Ka nisur para katër ditësh me deklarata të papërgjegjshme të Policisë, ka vazhduar gjithë mbrëmjen e djeshme, ditën e sotme, gjatë kohës që kanë qarkulluar protestuesit. Dhe tani ndërkohë që protesta filloi plotësisht në mënyrë paqësore dhe s’kam asgjë me efektivët, se efektivët kanë marrë lule nga ne në fillim të protestës. Ndërkohë me presionin më të vogël të turmës, që natyrisht që janë të irrituar sepse janë banorë të Unazës së Re, kanë shkuar për t’u prishur shtëpitë për t’u vjedhur 18 milionë euro, papritur shohim që hapet kordoni policor. Kjo do të thotë që ka një plan për të nxitur dhunë. Ka një plan për të nxitur dhunën që t’i drejtojë gishtin e akuzës opozitës dhe kjo është e papranueshme”, tha Basha.

LEXO EDHE  Vettingu në politikë/ Manjani-Bashës: Propozimi është antidemokratik

Ndaj protestuesve është hedhur gaz lotsjellës.



PËRGJIGJU

Please enter your comment!
Please enter your name here