Asgjë nuk i ndalon dot protestuesit! Kështu u shpreh kreu demokrat Lulzim Basha, nga selia e PD-së, ku sapo ka mbërritur, në prag të nisjes së protestës së organizuar nga opozita kundër qeverisë Rama.
Disa qindra mbështetës të opozitës ndodhen në oborrin e selisë së PD-së, ndërsa drejtuesit kryesorë të kësaj partie, po mblidhen siç duket për të përcaktuar detajet e fundit në nisje të protestës.
Mbi 50 mijë qytetarë nga rrethe të ndryshme të vendit janë nisur prej orëve të para të mëngjesit në drejtim të Tiranës, ndërsa policia ka ngritur grupe kontrolli duke ushtruar kontrolle në automjetet e transportit.
