Mëngjesin e sotëm u gjet pranë liqenit të Sharrës trupi i pajetë i një gruaje të moshës rreth 45 vjeç. Policia ka nisur hetimet, ndërsa dyshimet e para janë se ajo mund të jetë vrarë.
Burime policore bëjnë të ditur se trupi i pajetë është gjetur mes ferrave, ndërsa në pjesën e kokës ka pasur goditje.
Sipas burimeve, goditjet dyshohet se janë shkaktuar nga goditja me një send të fortë në pjesën e kokës.
Policia po punon për identifikimin e viktimës.
Informacion paraprak
Rreth orës 08:18, pranë liqenit të Sharrës është gjetur një trup i pajetë, i gjinisë femër, e moshës rreth 40-45 vjeçe.
Po punohet për sqarimin e plotë të rrethanave të ngjarjes dhe identifikimin e trupit të pajetë.
