Statusi i kufirit Kosovë-Shqipëri do të jetë i “Brendshëm”, nëse autoritetet do të arrijnë marrëveshjen, që po negociohet.
Kjo do të thotë se qytetarët që do të lëvizin në të dy anët e kufirit nuk do t’I nënshtrohen kontrolleve.
Draftin e Marrëveshjes, palët e kanë referuar si “Mini Schengen”, e që është hartuar nga një ekip, të cilin e bashkëkryesojnë zëvendësministri i Punëve të Brendshme, Selami Shkodra, dhe homologia e tij, Rovena Voda, shkruan Koha Ditore.
Dokumenti voluminoz, përmban mbi 50 faqe, dhe nis me preambulën, precizon formën e heqjes së kontrolleve, trajton edhe aspektet e vizave për palët e treta, por edhe bashkëpunimin policor dhe formën e trajtimit të transportit të mallrave.
Në nenin e tretë saktësohet forma e kalimit në kufi.
