Mbrëmjen e djeshme një tjetër rast përdhunimi u denoncua në llogarinë e ish-kryeministrit Sali Berisha. Denoncimi se një efektiv policie ka tentuat të përdhunojë një studente në Fakultetin Juridik të Universitetit të Shkodrës, ka sjellë sot reagimin e studetëve dhe rikthimin e protestave.
Studentët e Universitetit të Shkodrës janë mbledhur përpara Komisariatit të Policisë duke protestuar me parrullat ‘Stop Abuzimeve dhe Përdhunimeve’.
Ky është rasti i dytë brenda javës që një efektiv policie akuzohet për veprën penale të ngacmimit seksual ndërkohë që prej fillimit të vitit 2019, shoqëria shqiptare është tronditur me një bilanc të frikshëm ku 6 gra kanë humbur jetë si pasojë e krimit në familje.
