Këshilli i Lartë i Gjyqësorit ka reaguar për vendimin e dhënë nga Gjykata e Krimeve të Rënda për Dritan Dajtin.
Në një reagim KLGJ bën me dije se do ta shikoj rastin me përparësi paanshmëri dhe profesionalizëm.
Këshilli i Lartë Gjyqësor, ka njoftuar se është depozituar kërkesa e Ministrit të Drejtësisë, në të cilën kërkohet hetimi disiplinor i veprimtarisë së anëtarëve të trupës gjyqësore, që kanë gjykuar çështjen kundër të dënuarit Dritan Dajti, me arsyetimin se këta gjyqtarë, kanë kryer shkelje të rënda profesionale dhe etike që diskreditojnë pozitën dhe figurën e gjyqtarit gjatë ushtrimit të detyrës, shkak mbi të cilin ka kërkuar në vijim edhe marrjen e masës së shkarkimit nga detyra.
Nisur nga kjo kërkesë, Këshilli i Lartë Gjyqësor, informon publikun se kjo çështje do të trajtohet me përparësi, paanshmëri dhe profesionalizëm. Këshilli do të bëjë vlerësimin e duhur, në përputhje me kuadrin e ri ligjor dhe do të ndërmarrë çdo veprim të nevojshëm në respektim të ligjit”, ka qenë ky reagimi nga KLGJ.
Kujtojmë që ditën e dielë minsitrja e Drejtësisë i bërti thirrje KLGJ-së që ta trajtonte me seriozitet këtë vendim dhe të dënonte gjyqtarët që kishin bërë shkelje.
